23 octobre 2009

LI COUDOUN DE VISAN

Num_riser0010Num_riser0009

Cet après-midi on vient de me prêter un livret : Lou Bartavèu pèr 1929

Je recopie ce poème pour : Lou Papet de Vaurias

..... à Madamo MALBOIS, que me n'a manda un panié..

Aquesti jour en revassant

Me demandave s'à Visan

Li coudoun s'èron mes en grèvo.

Sarié 'sta fachous, m'es avis,

Car de coudoun, voste païs

N'a toujour une bello lèvo.

Just avès devina moun vot

En me mandant un poulit lot

De vosti frucho e di chausido,

La flour de voste coudounié ;

Ah ! lou brave pichot panié !

Ma visto n'es esbalausido.

Coume soun bèu vosti coudoun !

Soun rous, soun velouta, redoun,

Soun gros coume de boulo,embaumon,

Vous prenon pèr l'ine e lou nas,

Pas coum'aquéli coudounas

Qu'entre li vèire vous assaumon.

Sèns menti poudès vous vanta

d'Agué la bello qualita

Au councours aurias la medaio.

E soun Visanen mai que ges

Car s'amaduron, li bourges,

En plein endré, dins li muriao.

Pela, chapla, cue dins lou moust,

Faran un coudouna famous

Que se n'en liparen li brego.

Gramaci de tant bèu coudoun.

M'escusarès, car iéu, pèr doun

Ai pas memo de falabrego.

Es perqué vous mande de vers

A la lèsto, sènton lou verd

Car un chin me manjo la gauto,

Ma de me vèire encoudouna

Pèr vous, me sènte tresana

E couchara l'imour malauto.

Adoun sabès que l'an que vèn

Vous respiche se vous n'en vèn,

Se voste aubre fai mal tirasso,

Un panié tant que pòu teni

Car siéu jalous d'èstre fourni

Di bèu coudoun de vosto raço.

                                         E. IMBERT - Vaurias 6 d'outrobre 1893